|
|
|||||||||||||||||||||||||||||||||||||||
|
|||||||||||||||||||||||||||||||||||||||||
|
| 1. Llixeru de Sotrondio. 2. Llixeru de Viodo. 3. Cariáu pa Esther. Esti llixeru del que facemos versión instrumental ye del archivu de l’Andecha Folclor d’Uviéu y foi recoyíu en versión cantada en Sotrondio nel conceyu Samartín del Rei Aurelio. El tema cantáu tamién ye un llixeru, saltón o xiringüelu del llugar de Viodo nes tierres d’El Cabu Peñes en Conceyu Gozón, cantónoslo Elvira Bobes. El tema zarrámoslu col "Cariáu pa Esther", una versión del "Cariáu llaniscu" del nuesu flautista. |
|
| Tres perrines poco son, a mi mui poco m'abulta, si nun me das otres tres a tu casa nun voi nunca. Yá nun voi solina, yá nun voi sola, non, yá nun voi solina que l'amor s'acabó. Tengo pan, tengo boroña y nel arca tengo nueces, tamién tengo calabaces si ye que tu les mereces. Yá nun voi solina, yá nun voi sola, non, yá nun voi solina que l'amor s'acabó. Esti fariquín de Peñes alluma la mar salada, el de San Xuan de Nieva, el llugarín de Llaviana. Yá nun voi solina, yá nun voi sola, non, yá nun voi solina que l'amor s'acabó. Voi cantar la despedida metida dientro una ablana, agora nun canto más porque nun me da la gana. Yá nun voi solina, yá nun voi sola, non, yá nun voi solina que l'amor s'acabó. |
