|
|
|||||||||||||||||||||||||||||||||||||||
|
|||||||||||||||||||||||||||||||||||||||||
|
| 1. Los Reis de Las Murias. 2. Alerensé de Pandu. Pandu y Las Murias son pueblos de les parroquies de Rañeces y Cuaya nel conceyu Grau. Estos son los cantares pa pedir l’aguilandu l’últimu día l’añu que nos enseñó Pepa "Ca Trivalle", natural de Las Murias. A Pepa tenemos que face-y especial mención pola so amistá, la so sabiduría y la so incomparable hospitalidá. Tamién da-y les gracies porque tol material fotográficu d'esti discu ta fechu en so casa y contar cola so presencia nes semeyes ye pa nós el mayor arguyu. |
|
| Salen los tres Reis pa Belén, todos tres en compañía llenos del divino amor ya una estrella que los guía. Nuosa Señora me valga, válgame Santa María. Ya lleganon pa Belén ente la nuoche ya'l día, topan las puortas trancadas, porteiru nun paecía. Nuosa Señora me valga, válgame Santa María. Abre las puertas, porteiru, a José ya a María, estas puortas nun se abren nin de nuoche nin de día. Nuosa Señora me valga, válgame Santa María. Alerensé y'alrensé, iban los Reis pa Belén, iban a pedir pousada al portalín de Belén. Tando la Virxen María sentadina nun colchón dándo-y de mamar al neñu ya llorando la Pasión. Pa qué llora la mia madre, madre de consideración, se lloras porque nací, madre, nun tienes razón. Nun lloro por eso neñu, nun lloro por eso, non, lloro polos pecadores que nel mundu munchos son. |
