|
|
|||||||||||||||||||||||||||||||||||||||
|
|||||||||||||||||||||||||||||||||||||||||
|
| 1. Aguilandu de Carbes. 2. D'Oseya. Ye curioso topar esti aguilandu nes tierres más occidentales y más orientales del País. Repítese la temática y varíen los sones. El que facemos equí recoyímoslu en Carbes d'Amieva de boca d'Adoración Pérez Suárez. "D'Oseya" ye una composición de Pepín cola que finamos esti tema. |
|
| Ñon hai tal andar como andar a la una, quién verá'l ñeñu na cuna que ñació na nochi escura en Belén en un portal. Ñon hai tal andar como buscar a Cristo, ñon hai tal andar como a Cristo buscar. Ñon hai tal andar como andar a les dos, quién verá'l ñeñu de Dios derramar sangre por nós, sangre vieno a derramar. Ñon hai tal andar como buscar a Cristo, ñon hai tal andar como a Cristo buscar. Ñon hai tal andar como andar a les tres, quién verá a San Andrés con sos corderinos tres ñavegando pela mar. Ñon hai tal andar como buscar a Cristo, ñon hai tal andar como a Cristo buscar. Ñon hai tal andar como andar a les cuatro, quién verá L'Espíritu y Santu que nos cubre col so mantu y gloria nos tien de dar. Ñon hai tal andar como buscar a Cristo, ñon hai tal andar como a Cristo buscar. Ñon hai tal andar como andar a les cinco, quién verá'l h-iyu de Cristo qu'anda per tierres d'Egito y ñon lu dexen parar. Ñon hai tal andar como buscar a Cristo, ñon hai tal andar como a Cristo buscar. Ñon hai tal andar como andar a les seis, quién verá a tola xente del oriente al poniente en busca de Cristo andar. Ñon hai tal andar como buscar a Cristo, ñon hai tal andar como a Cristo buscar. Ñon hai tal andar como andar a les siete, quién verá La Madalena cubierta con so melena ñavegando pela mar. Ñon hai tal andar como buscar a Cristo, ñon hai tal andar como a Cristo buscar. Ñon hai tal andar como andar a les ocho, quién verá a San Ambrosio con sos barbes de raposu, trae acá con que les untar. Ñon hai tal andar como buscar a Cristo, ñon hai tal andar como a Cristo buscar. |
